3 dagar :)

Jææja, það er farið að styttast frekar miiikið í þetta ! Bara þrír dagar þangað til ég fer, eftir þrjá sólahringa mun ég sitja á flugvellinum, hoppandi upp og niður af spenningi, að bíða eftir flugvélinni sem mun bera mig yfir Atlantshafið á vit ævintýranna :)

Núna er ég farin að vera svolítið stressuð um að ég hafi ekki gert allt sem ég geti gert. Ég er svolítið þannig að ég geymi allt fram á síðustu stundu, og eins "gott" og það er, þá bætir það ekki stressið mitt .... Ég er búin að pakka niður öllu úr hillunum mínum þar sem að þær safna svo miklu ryki, en ég er komið með alltof lítið í töskuna. Ég hef verið að reyna að henda drasli í töskuna, og allt er núna í einhverri hrúgu ofan í henni ...

Annars þá er ég orðin alltof spennt, ég hlakka svooo til að hitta fjölskylduna mína þarna úti. Ég er búin að vera að tala svolítið við þau á Facebook, og er búin að komast að því að Thomas, Camille og Victor eru öll á sama ári og ég, en ekkert af þeim er með mér í bekk held ég. Camille er samt í einhverjum einkaskóla og ég er ekki viss hvort að Victor verið með mér í skóla, en það kemur allt í ljós :) Victor kemur líka til Frakklands á sunnudaginn, en hann er að koma frá Nýja-Sjálandi, þannig að við verðum örugglega sótt bæði í einu til Parísar. Allt mjög spennandii ;)

En ég er að pæla í að fara að vinna í pökkuninni, svo að ...

Au revoir, et à bientôt!

Stella

J'aime la France

Ah oui, bonjour chéries :)

Ooog þetta er það sem ég kann í frönsku ;)

Váá, hvað það er farið að styttast í þetta, eftir sautján sólahringa verður fyrsti dagurinn minn í Frakklandi að kveldi kominn.Allt að geeerast :)

Annars þá er ég hissa á því hvað ég þarf að gera óótrúlega mikið áður en ég fer út. Ég hélt að ég myndi koma þarna út og kaupa allt þar, eins og föt og svona, en auðvitað þarf ég að kaupa fullt hérna heima áður en ég fer, því að ég býst ekkert við að fara í búðir fyrstu vikurnar (vonum nú að þaaað sé rangt). Ég er búin að kaupa mér tvennar stuttbuxur, fullt af sokkum, peysu, hlýraboli, möppu, penna, Le Petit Prince (maður verður nú að æfa sig aðeins), og svo á ég eftir að kaupa náttföt og fullt af toiletries(?), þ.e. tannbursta og svoleiðis. Svo er ekki endilega eitthvað að kaupa, ég þurfti líka að fara að sækja um nýtt kort, klára bílprófið (náði bóklega í dag btw), hugsa um hvaða gjafir ég á að gera fjölskyldunni og svoo margt fleira ...

Bryndís er farin út til Bandaríkjanna núna. Hún fékk fjölskyldu daginn fyrir brottför í bæ sem ber nafn hinna skondnu bæja, Flushing ... Hún hélt kveðjupartý rétt áður en hún fór, tryllt partý, Gay Pride auðvitað í gangi þá helgi þannig að við fórum niður í bæ og svoleiðis, lentum svo í aldeilis vandræðum þegar við komum heim til Bryndísar því að við vorum læstar úti, og allir steinsofandi inni hjá henni, enginn rumskaði ;) En þetta reddaðist allt, and we lived to tell the tale ....

 Það er búið að vera svo mikið að gera í vinnunni að ég hef verið rooosalega löt við að æfa mig í frönskunni, en í dag kom ein og skilaði Le Petit Prince svo að ég keypti hana ... svo er það bara hvort ég skilji eitthvað í henni ;) Annars er voða lítið að gera, ég og Helga eigum ennþá eftir að plana hvernig við ætlum að hafa samkomulagið á þessu blessaða kveðjupartý-i, og svo er einnig málið með það hvernig pökkunarfyrirkomulagið verði ... en næstu eina og hálfa vikuna mun ég sökkva mér niður í vinnu, þar sem skólavertíðin er í fullum gangi (smá auglýsingar hérna: VELJIÐ EYMUNDSSON) þannig að ég mun kannski koma til með að blogga einu sinni í næstu viku, og kannski einu sinni í síðustu vikunni :)

À bientôt et bisous,

Stella

Bonsoir chéries  <3

Jæja, verslunarmannahelgi á Íslandi í gangi, og ég hef eeeekkert að gera ... búin að hanga heima alla helgina, nema ég fór til Viktoríu í gærkvöldi í létt chill. Er annars bara búin að vera heima að horfa á So You Think You Can Dance um helgina, glatað ...

Annars þá fer að styttast í ferðina :) Bara 33 dagar, rétt rúmur mánuður. Leiddist og ákvað því að gera stutt blogg, en ætla að bæta því inn að hann Thomas, hann bróðir minn í Frakklandi, er 19 ára í dag, og óska honum til hamingju með það, þrátt fyrir að hann sjái þetta að öllum líkindum ekki og skilji enn minna í þessu ;)

Bisous,

Stella <3

Styttist í þetta :)

Gott kvöld og langt síðan síðast :)

Ég verð að játa að það er kominn svolítill fiðringur í mig, bara 39 dagar í þetta ...
Annars þá er hún besta vinkona mín, hún Bryndís, að fara til Bandaríkjanna sem skiptinemi, og einnig önnur vinkona mín, Helga. Þær fara eftir rúmlega tvær vikur, ennþá styttra í þær ! Jii, hvað maður er spenntuuuuuur ...

Ég er líka búin að fá að vita í hvaða skóla ég verð í úti í Frakklandi. Hann heitir víst Lycée Van Dongen, og er staðsettur í Lagny-Sur-Marne, sem er aðeins nær París en Chalifert. Það tekur u.þ.b. hálftíma að taka skólabíl í skólann, vegna þess að rútan þarf að stoppa í öllum bæjum á leiðinni :) Ég verð með Thomas í skóla, stráknum sem var að koma heim frá Ekvador, og samkvæmt hans upplýsingum verðum við á sama ári, svo er bara að bíða og sjá hvort það standist. Ég verð á tungumála-og bókmenntabraut, sem er frábært, því það er einmitt það sem ég er að læra hérna heima og hef áhuga á. Sylvie sendi mér nú samt e-mail og sagði að ég ætti að vera á náttúrufræðibraut, og ég fékk svo mikið sjokk að ég sendi henni strax til baka og spurði hvort það væri einhver möguleiki á að fá að skipta. Ég skil voða lítið í náttúrufræði hérna á Íslandi, afhverju ætti ég að skilja eitthvað meira í henni á frönsku ....

Svona aðeins til að tala um daginn og veginn þá fór ég með Berglindi, Agnesi og Ester á Café Paris um daginn (ironic, right?) og við skemmtum okkur mjög vel, enda komst ekkert að nema tal um ferðina til Frakklands :) Við erum að pæla í að hittast reglulega, þurfum að undirbúa atriði fyrir komubúðirnar og svona :) Elínborg ætlar að koma með okkur næst, en Rósa býr úti á landi og kemur ekki í bæinn fyrr en stuttu fyrir 3. september, þannig að við hittumst vonandi einu sinni eftir að hún kemur í bæinn :)

Annars þá er lítið sem ég hef að segja, það er bara búið að vera svo mikið að gera í vinnunni að ég hef lítinn tíma til að blogga, og lítið til að blogga um ... nema þið viljið hlusta á mig tala um hvernig ég raðaði kiljunum í hillurnar í byrjun skólavertíðar? Hélt ekki ;)

Og allar myndirnar sem verða í blogginu héðan af eru þeir staðir sem ég hlakka mest til að sjá í París, og öllu Frakklandi bara :) Þetta verður frábært. Það verður líklega ekki mikið gert á þessari síðu áður en ég fer út, líklega verður samt svolítil mikil virkni svona síðustu vikuna, en það kemur bara í ljós ;)

Au revoir, Friends bíður ...

Stella :)

Fóstufjölskyldan :)

Bonjour elskurnar :)
Eins og ég sagði í síðasta pósti þá er ég komin með fjölskyldu í Frakklandi, í bænum Chalifert, rétt hjá París :)

Ég fékk þær upplýsingar hjá AFS að ég væri að fara til foreldra með einn son sem væri '92 módel. Annað kom á daginn. Í síðustu viku sendi ég nefnilega bréf til þeirra, því að AFS mælti með því að koma sér í samband við fósturfjölskylduna áður en maður færi út. Tveimur dögum eftir að bréfið fór í póstkassann fékk ég tölvupóst.

"We live right next to Disney and 30 kilometers from Paris. We live in a big house with our SIX children."

Þið getið ímyndað ykkur áfallið sem ég fékk. SEX börn. En það er engin ástæða að fara í fýlu. Ég er eiginlega bara frekar ánægð :) Öll börnin eru á aldrinum 13-20 ára, svo að enginn er afgerandi ungur eða gamall ;)

Fjölskyldan samanstendur semsagt af:

Sylvie - Mamman, læknir og áhugakokkur
Antoine - Pabbinn, læknir, píanóleikari og víst góður kokkur
Pauline - 20 ára, háskólanemandi í París, AFS skiptinemi í Paragvæ 2005/2006
Thomas - 19 ára, AFS skiptinemi í Ekvador 2009/2010, á víst að vera í sama skóla og ég
Adrien - 18 ára, í heimavistarskóla á íþróttaskólastyrk
Camille - 16,5 ára, mjög músíkölsk
Victor - 15,5 ára, sumarprógramm í Nýja-Sjálandi með AFS sumar 2010, mjög listrænn
Clément - 13 ára, prakkari

Þau hafa einnig sent mér nokkrar myndir og ég verð að segja að ég er eiginlega orðin mjög spennt að hitta þau öll og byrja í skóla þarna úti í Frakklandi og svoleiðis :) Þetta verður æðislegt.

Annars þá er ég búin að fá flugupplýsingarnar. Ég flýg aðfaranótt 3. september klukkan 01.05 á íslensku tíma og lendi 06.30 í París á staðartíma. Allt mjööög spennandi ;)

I'll keep you posted
Au revoir,
Stella :)

Bonjour tout le monde

Góðan daginn, eða Bonjour eins og maður segir á góðri frönsku :)

Ég heiti semsagt Stella Bryndís og er á leiðinni sem skiptinemi þann 3. september til Frakklands. Ég mun dvelja í litlum bæ sem heitir Chalifert og hýsir um 1200 íbúa og er hann staðsettur eina 30 kílómetra austan við París. Um fimm kílómetrum sunnan við bæinn er EuroDisney og næsta H&M búð ;)

Þetta er semsagt síðan sem ég mun koma til með að blogga endrum og sinnum til að segja ykkur frá því hvað hefur drifið á daga mína í nýja framandi samfélaginu sem ég mun dvelja í :) Eiffel-turninn verður náttúrulega í næsta nágrenni ásamt Louvre safninu, og verður það örugglega skoðað ásamt fullt af fleiri hlutum sem koma bara í ljós þegar dregur á dvölina. Ákvað að byrja að blogga strax þannig að ég myndi ná að halda mér í formi við það áður en ég fer út (svo er bara að sjá hvort það hafist), þar sem að ég myndi örugglega gleyma því ef ég byrjaði úti ;)

En ég bið ykkur bara endilega að skoða bloggið mitt þegar ég fer út, og berið saman sögur af vinsælum ferðamannastöðum ef þið hafið komið þangað ;)

xoxo,
frakklandsfarinn <3